Апошні тыдзень лютага скончыўся невялікім ростам абменнага курсу даляра ЗША на беларускім валютным рынку. Гэта быў чаканы разварот, бо на расійскім фінансавым рынку сітуацыя змянялася аналагічным чынам. Падрабязней пра валютны рынак і чаканыя курсы валют чытайце ў традыцыйным прагнозе Myfin.
Мінімум па даляры змяняецца ростам
На беларускіх таргах курс даляра ў сераду, 26 лютага, зніжаўся да мінімуму з верасня 2024 года ў USD/BYN 3,1430, зніжэнне курсу даляра да пачатку года складала -9,51%. Але за два апошнія дні курс скарэктаваўся, і закрыццё тыдня і месяца прайшло са значэннем USD/BYN 3,2034. Агулам за мінулы тыдзень курс знізіўся на -0,12%, а да пачатку года адставанне скарацілася да -7,78%. Аб’ём таргоў за тыдзень склаў 55,491 млн даляраў ЗША, што трохі ніжэй за сярэднія значэнні.
Абменны курс расійскага рубля працягнуў рост на беларускім валютным рынку і за мінулы тыдзень дадаў яшчэ +1,21%. З пачатку года расійская валюта даражэе ўжо на +7,80%. Максімальнае значэнне тыдня — RUB/BYN 3,6114 за 100 расійскіх рублёў, курс закрыцця — RUB/BYN 3,6099. Аб’ём таргоў за тыдзень склаў 22 393,30 млн расійскіх рублёў.
Аптымізм інвестараў і далейшы курс
Такое змяненне абменных курсаў асноўных валют было чаканым на фоне заканчэння ў Расійскай Федэрацыі падатковага перыяду. Але куды пойдзе курс з пачаткам месяца?
Цягам усяго лютага драйверамі росту курсу рубля на расійскім рынку выступалі перавышэнне прапановы замежнай валюты над попытам і замежнапалітычны аптымізм. Першы фактар паступова зніжаецца, што, безумоўна, можа падштурхнуць курс даляра на расійскім рынку ў бок росту. Другі фактар пакуль у трэндзе.
Больш за тое, на знешніх фінансавых рынках замежныя інвестары таксама заразіліся аптымізмам і ўсімі праўдамі і няпраўдамі купляюць расійскія актывы. Асаблівым попытам карыстаюцца акцыі сыравінных кампаній Расіі з нафтагазавага сектара. Сітуацыя пакуль няпэўная, але памятаем залатое правіла: «Купляем на чутках, прадаём на фактах». А паколькі дзе дым, там і полымя — попыт на расійскія паперы можа толькі падагравацца. Адсюль і цікавасць да расійскага рубля, што падтрымае абменны курс.
Прагноз на тыдзень
На пазабіржавым рынку «Форэкс» гэты тыдзень таксама можа стаць неспакойным, асабліва ў канцы. У чацвер, 6 сакавіка, пройдзе чарговае паседжанне Еўрапейскага Цэнтрабанка па працэнтнай стаўцы, у сераду і пятніцу ў Штатах публікацыя статыстыкі рынку працоўнай сілы NFP.
Ад ЕЦБ чакаюць чарговага кроку па змякчэнні грашова-крэдытнай палітыкі, папярэдні прагноз па NFP на фоне росту інфляцыі негатыўны для даляра ЗША. Тым не менш па выніках мінулага тыдня даляр у пары з еўра паспяхова рухаецца на поўдзень, і гэтае ўмацаванне «бакса» чаканае на фоне геапалітычнай сітуацыі. Якім будзе канец тыдня на рынку «Форэкс» — пакажа час, але за далярам захоўваецца сіла, і ён яшчэ можа яе паказаць.
З улікам сказанага, на беларускім валютным рынку магчымае ўмацаванне абменнага курсу даляра ЗША да USD/BYN 3,250. Курс расійскага рубля пры гэтым слізгае ўніз.